കാനഡയിൽ താത്കാലിക വിസയിൽ ജോലി ചെയ്യുന്നവർക്ക് സ്ഥിരതാമസത്തിന് (Permanent Residency) അവസരമൊരുക്കുന്ന പുതിയ TR to PR പാത്ത്‌വേയിൽ നിന്ന് പ്രധാന നഗരങ്ങളെ ഒഴിവാക്കി. ടൊറന്റോ, വാൻകൂവർ, മോൺട്രിയൽ തുടങ്ങിയ വലിയ നഗരങ്ങളിൽ താമസിക്കുന്നവർക്ക് ഈ പദ്ധതി പ്രകാരം അപേക്ഷിക്കാൻ സാധിക്കില്ലെന്ന് ഇമിഗ്രേഷൻ മന്ത്രി ലീന ദിയാബ് (Lena Diab) അറിയിച്ചു.

ഏപ്രിൽ 18-ന് ‘ഐ ആം കാനഡ’ (I’m Canada) എന്ന മാധ്യമത്തിന് നൽകിയ അഭിമുഖത്തിലാണ് മന്ത്രി ഈ നിർണ്ണായക വിവരം വെളിപ്പെടുത്തിയത്.