കാനഡയിലെ യുവാക്കൾക്ക് Skilled Trades മേഖലയിൽ നേരിട്ടുള്ള തൊഴിൽപരിചയവും വരുമാനവും നേടുന്നതിനൊപ്പം apprenticeship അവസരങ്ങളിലേക്ക് കടക്കാനും സഹായിക്കുന്ന പുതിയ പദ്ധതിയുമായി ഫെഡറൽ സർക്കാർ. Team Canada Strong Youth Placements പദ്ധതിയിലൂടെ 15 മുതൽ 30 വയസ്സ് വരെ പ്രായമുള്ള യുവാക്കൾക്ക് നിർമാണ മേഖലയിലും വിവിധ trades-ലും ശമ്പളത്തോടുകൂടിയ entry-level ജോലി അവസരങ്ങൾ ലഭ്യമാക്കും. 2027ന്റെ തുടക്കത്തിൽ യുവാക്കൾക്ക് ഈ placements ലഭ്യമാകുമെന്ന് സർക്കാർ അറിയിച്ചു. അഞ്ച് വർഷത്തേക്ക് 880 മില്യൺ ഡോളറാണ് Youth Placements പദ്ധതിക്കായി സർക്കാർ മാറ്റിവച്ചിരിക്കുന്നത്. യുവാക്കൾക്ക് ജോലിക്കിടെ പ്രായോഗിക പരിചയം നേടാനും പുതിയ കഴിവുകൾ വികസിപ്പിക്കാനും തൊഴിൽരംഗത്തെ ബന്ധങ്ങൾ രൂപപ്പെടുത്താനും ഇതിലൂടെ അവസരം ലഭിക്കും. Placement പൂർത്തിയാക്കിയ ശേഷം apprenticeship-ലേക്കും ദീർഘകാല Skilled Trades കരിയറിലേക്കും മാറുന്നതിനുള്ള പിന്തുണയും പദ്ധതിയിൽ ഉൾപ്പെടുത്തിയിട്ടുണ്ട്. ഓരോ work placement-നും 12 മുതൽ 16 ആഴ്ച വരെ, കുറഞ്ഞത് 420 മണിക്കൂർ ജോലി ഉൾപ്പെടണം. മണിക്കൂറിന് കുറഞ്ഞത് 20 ഡോളർ അല്ലെങ്കിൽ ബന്ധപ്പെട്ട ഫെഡറൽ, പ്രവിശ്യാ, ടെറിട്ടോറിയൽ minimum wage — ഇതിൽ ഏതാണ് കൂടുതലോ അത്രയും വേതനം നൽകണമെന്നാണ് പദ്ധതിയുടെ വ്യവസ്ഥ. Carpentry, electrical, plumbing, welding, mechanical, industrial trades, heavy equipment operation തുടങ്ങിയ നിരവധി മേഖലകളിൽ അവസരങ്ങൾ ലഭ്യമാകാം. പ്രദേശത്തെ തൊഴിൽവിപണിയുടെ ആവശ്യങ്ങൾക്കനുസരിച്ച് മറ്റ് construction, trades-related occupations-ലും placements നൽകാൻ പദ്ധതിക്ക് കഴിയും.
തൊഴിൽരംഗത്തേക്ക് പ്രവേശിക്കാൻ അധിക തടസ്സങ്ങൾ നേരിടുന്ന യുവാക്കൾക്കും പദ്ധതിയിൽ പ്രത്യേക പിന്തുണ ലഭിക്കും. ഗതാഗതസഹായം, childcare, ആവശ്യമായ work clothing, tools, personal protective equipment, accessibility support തുടങ്ങിയ സഹായങ്ങൾ വ്യക്തിഗത ആവശ്യങ്ങൾക്കനുസരിച്ച് ലഭ്യമാക്കാൻ പദ്ധതിയിൽ വ്യവസ്ഥയുണ്ട്.
Team Canada Strong എന്ന വലിയ ഫെഡറൽ പദ്ധതിയുടെ ഭാഗമാണ് Youth Placements. 2030–31ഓടെ 80,000 മുതൽ 100,000 വരെ പുതിയ Red Seal skilled trades workers-നെ recruit, train, hire ചെയ്യുകയാണ് ഈ ദേശീയ പദ്ധതിയുടെ ലക്ഷ്യം. കാനഡയിലെ ഭവനനിർമാണം, അടിസ്ഥാനസൗകര്യ വികസനം, ഊർജം, പ്രതിരോധം തുടങ്ങിയ മേഖലകളിലെ ഭാവിയിലെ തൊഴിലാളി ആവശ്യം നിറവേറ്റുന്നതിന് skilled workforce ശക്തിപ്പെടുത്തുകയാണ് ഇതിന്റെ പ്രധാന ലക്ഷ്യം.
പദ്ധതിയുടെ ഭാഗമായി യുവാക്കളെ employers-ുമായി ബന്ധിപ്പിക്കുന്ന സംഘടനകൾക്ക് ഫെഡറൽ സർക്കാർ ധനസഹായം നൽകും. സംഘടനകൾക്ക് സെപ്റ്റംബർ 17 മുതൽ ഒക്ടോബർ 23, 2026 വരെ Expression of Interest സമർപ്പിക്കാം. തിരഞ്ഞെടുക്കപ്പെടുന്ന സംഘടനകളുടെ പൂർണ്ണ അപേക്ഷകൾ പരിശോധിച്ചശേഷം ഫണ്ടിംഗ് തീരുമാനങ്ങൾ 2027 ഏപ്രിലോടെ ഉണ്ടാകുമെന്നാണ് സർക്കാർ പ്രതീക്ഷിക്കുന്നത്. കാനഡയിൽ Skilled Trades മേഖലയിൽ തൊഴിലാളികളുടെ ആവശ്യകത ഉയരുന്ന സാഹചര്യത്തിലാണ് പദ്ധതി നടപ്പാക്കുന്നത്. 2024 മുതൽ 2033 വരെയുള്ള കാലയളവിൽ രാജ്യത്ത് Skilled Trades മേഖലയിൽ 14 ലക്ഷത്തിലധികം job openings ഉണ്ടാകുമെന്നാണ് ഫെഡറൽ സർക്കാരിന്റെ കണക്ക്. പുതിയ തലമുറയെ നേരത്തെ തന്നെ ഈ മേഖലകളിലേക്ക് പരിചയപ്പെടുത്തുന്നതിലൂടെ ഭാവിയിലെ തൊഴിലാളി ക്ഷാമം പരിഹരിക്കാൻ സഹായിക്കുകയാണ് പദ്ധതിയുടെ ലക്ഷ്യം.
ഈ പദ്ധതിയിലൂടെ യുവാക്കൾക്ക് ശമ്പളത്തോടെയുള്ള ജോലി പരിചയം ലഭിക്കുന്നതിനൊപ്പം, Skilled Trades മേഖലയിൽ സ്ഥിരമായ കരിയറിലേക്ക് പ്രവേശിക്കുന്നതിനുള്ള ഒരു പ്രായോഗിക pathway കൂടി ലഭിക്കുമെന്നാണ് ഫെഡറൽ സർക്കാരിന്റെ പ്രതീക്ഷ.